亮剑 2013-12-27 16:36:58

2010年时，有用家在美国以1万枚Bitcoin买两块价值约25美元（约195港元）的薄饼；事隔三年，德州4月初一名用家以竟以300枚Bitcoin购入一辆总值3.9万美元的保时捷Cayman S跑车，升值能力叫人吃惊。

喺今年 12 月初 Bitcoin 俾中国大妈炒到 1240 美元，即系一辆总值3.9万美元的保时捷Cayman S跑车，你用 32个Bitcoin 就可买下，或如果你用1万枚Bitcoin，就可买成百万件薄饼！

咁从任何角度来睇，呢啲唔系泡沫系乜？

咁香港楼市有无泡沫？请睇睇拾多年前发生咗乜事先！

喺 1996 年头，CCL 做 55.81 ，全年计CCL平圴约65.3。

在 1997年 10月， CCL去到 102.93 先爆，全年计CCL平圴约 93.05。

即CCL可以一炮过由 96年低位，经 22个月，升足 84.43 % 俾你睇！

就算计 96年平均，都升足 42.5 %，如此升幅，才叫井喷！才可叫泡沫！唔爆无天理！

古往今来，出得来行，迟早要还！

CCL终於要跌到去 98年 10月，才喺 45.71找到初步支持！

以高位计，一年跌足 55.6 %！

就算年平均计都有近 3成跌幅！

亮剑 2013-11-29 15:54:35

由今年2月开始，港私楼租售比例，由之前37变成73，当每个月租售加埋系万二个，咁嗰四成本来系买，依家变租嘅人，每个月咪成5千咁济？？

呢十个月夹夹埋埋，几万个起码，而呢班人过完一年死约之后，就面对下述呢班「港漂」同你们抢楼租！

内地学生来港读书签证、输入内地人才计划、优秀人才入境计划、非本地毕业生留港／回港就业安排等，合称「港漂」，过去十年本港来了16万，这数年总获批个案，分别系：

--2009年 1・92万

--2010年 2・19万

--2011年 2・65万

--2012年 3・16万

其实「港漂」对香港人口老化问题，可起倒舒缓作用，但因为呢班人嘅涌入，对本来已经供不应求嘅楼市，带来沉重嘅负担！

要是加上最近的双非童入读幼稚园安排，几乎肯定下几年港楼需求会有增冇减。

呢班人或其家人，应该唔能够用港人身份去买楼，因为政府要人家俾成 15％  BSD 喎，叫起手都唔系人人肯，那么合理推算，佢哋会去租楼住先！

醒目投资者已经陆续出手扫微型火柴盒，等第二时去租俾人，楼价升唔升我不能100％肯定，但租金唔升绝对无天理！

亮剑 2013-12-28 11:18:20

2013-12-28我咁写：【喺政府打出 DSD 黄牌之后，楼市租售比率发生大逆转，每月有几仟宗由买转租个案，有楼出租嘅业主，个个嘅尿袋都有人帮手叉电！

由天玺、The Austin、囍汇嗰啲中小型单位卖得热火朝天得知，投资者嘅尿袋好多已经叉到爆，游资四溅要揾地方摆！下年地产商要出货其实好简单，贴市价之余再帮投资者交 DSD！】

亮剑 2014-03-24 11:31:10我咁写

截到昨晚止，贴市价推盘的长沙湾丰滙未开卖先旺场，久违的睇楼排队人龙再现，现时累积入票约3 千张，日内有望加推，预料本周六（29日）开卖。昨午现场所见，售楼处外集结人龙，并且打晒蛇饼------

现在新盘开价有一个现象，就系三房有折让、两房贴市价！

而一房单位，因为之前开卖嘅新盘及货尾，镬镬一炮过清仓，因此地产商不单止冇平卖俾人，仲会开出溢价揾翻少少，以补贴大码货滞销之损失。

政府之前推限尺限量地，本想增加整体楼宇供应来造数，那发展商仲唔借题发挥，先落个低价来食你政府库房头注？

再借政府呢个 3 D笨招，锁死那些 2手A及B类中下价供应，地产商便可提供各小业主不能承受嘅弍按安排，以及 SD回赠吸客，因此呢 D限尺限量地所起嘅楼，好大可能食埋 「2 岛」！

再计埋呢个打房政策，话就话打击需求，实际上连供应都打击埋，因此政府随时输埋个尾！

呢几拾铺政府同地产商玩嘅十三张，真系好可能头弍尾到输晒，随时通派！！

现在嘅状况系：-

上车客买楼冇平到，随时同大码楼买家代找 SD。

政府加埋晒整体上土地供应冇多到，楼宇库存龟速增长。

整体上平均卖地价低咗，成交狂跌印花税少埋，库房收入减咗唔少。

搅到小业主鬼揸、地代猫挖、装修及律师小露宝！

剩下有米嘅 D及 E类买家，可用「平价」买倒楼！！