如果你問那些地產代理,他們最喜歡甚麼客,咁好可能依此排列。
1) 炒家……睇有冇水位、唔使帶佢哋睇楼、 齋揼賣家心口、成咗仲有個盤喺度玩下一轉。
2) 大陸客……佢哋與团购,買親又是贵夾唔抵的所謂特色单位,做倒一枱客免一整年收入之憂。
3) 换楼客……一個換楼個案隨時衍生出一連串交易,要是把握得倒,都幾肥仔。
4) 收租佬……買豬肉搭件骨,做多单租唔難。
如果你問那些管房地產的高官,他們最「痛恨」甚麼人,咁好可能依此排列。
1) 炒家……社會「寄生蟲」,所以出SSD打巢呢班友!
2) 大陸客……專門買埋D超贵住宅,拖高香港整體楼價,所以出BSD打沉呢班友!
3) 换楼客……一買一賣都有可能製造超高成交紀錄,為免在供應到位前他們炒熱個市,因此出DSD先澆他們一盤冷水。
4) 收租佬……買楼收租者會同上車客爭奪供應,與及製造额外需求,所以出DSD令他們知難而退。
但呢幾年實際出現的是:
1) 炒家……薄咳变厚切,執得仲多!
2) 大陸客…… 要是無 BSD 的話,最近呢一年賣出的一手豪宅,可能已神早賣晒俾同胞,而價錢當然係坐艇價啦!
3) 换楼客……呢年幾细碼貨同中上價貨,有背馳現象,即细碼楼反覆上升、反而中大碼楼價格牛皮,除非你大換细,否則政府就是喺度幫助小業主轉車。
4) 收租佬……政府阻撓新買楼收租者入場競爭,咁基於少隻香爐少隻鬼關係,你租盤少咗、租金如何不升?